S´cha los goh!

S´cha los goh!

Liäbs Ensemble,
es isch wieder emol sowitt, e lange Wäg lit hinter uns. Im September hänn mir dr Soome in d Erde gsteckt und sither regelmässig gosse. Zwüscheduure hänn mir au emol e paar lätz gwachseni Texschtpassage usgeizt, dann wieder gosse, Sunne geh, gosse, Sunne geh und mit viel, viel Liäbi, was das zarti Zunftobepflänzli bruucht het defür gsorgt, dass endlich en schöne riefe Baum dostoht mit dicke feisse Chiirsi dra.
Hüt z´Obe dien mir günne. Hauet Ihne und löhnts Euch schmecke. E Guede!
Eure Pius

Mir sin wider dra …

Mir sin wider dra …

Mir sin wider dra am Dichte,
dien bald scho d´ Generalprob mache,
für Unkel, Dante und au Nichte,
für alli git´s bald öbbis z´ lache.
Liädli reime mit viel Witz,
mit Tön, mol lut mol lies,
au hintersinnigi Versli git´s,
meischtens nett und nit oft mies,
Mir freue uns scho schuurig druff,
Euch endlich dann zum lache z´bringe
und hoffentlich isch keine muff
und isch beleidigt, und duet spinne.
Mir nenne au mol Roß und Riter
au das mues an de Fasnacht si,
alles anderi wäri schitter,…
so, jetzt fallt mr nüt meh i.

Trotz G´stank der Chemie,
Fasnacht muess si!

Eure Pius

P.S.: (Im Wäbmaschter uf dem Weg en riesegroße Dank für das tolli neui Homepäitsch-Liffding)